Dona Miguelina, móðir brasilísku knattspyrnugoðsagnarinnar Ronaldinho, er látin eftir erfiða baráttu við Covid-19 sjúkdóminn.
Hún hafði verið lögð inn á Mae de Deus spítalann í Porto Alegre í desember og náði sér ekki eftir að hafa greinst með veiruna. Hún lést síðan á laugardaginn.
Ronaldinho er einn dáðasti knattspyrnuleikmaður í sögu Barcelona og lék einnig með liðum á borð við AC Milan, PSG og Atletico Mineiro í heimalandi sínu Brasilíu. Félagið sendi Ronaldinho hjartnæma samúðarkveðju á samfélagsmiðlinum Twitter í dag.
„Atletico Mineiro fjölskyldan syrgir og deilir sorgarstund með átrúnaðargoði félagsins. Megi guð taka þér með opnum örmum og veita syrgjendum stuðning. Hvíldu í friði, Dona Miguelina,“ stóð í samúðarkveðju frá Atletico Mineiro.
Clube está de luto pela morte de dona Miguelina: https://t.co/5QAiPYpLag
É com enorme tristeza, que o Clube Atlético Mineiro recebe a notícia do falecimento de Dona Miguelina, mãe de @10Ronaldinho. pic.twitter.com/8pEnMuFfkP
— Atlético 😷 (@Atletico) February 21, 2021