fbpx
Fimmtudagur 15.apríl 2021
433Sport

Hætti vegna þess að Eiður Smári hætti

Hörður Snævar Jónsson
Mánudaginn 18. janúar 2021 10:00

Ekki missa af Helstu tíðindum dagsins í pósthólfið þitt

Lesa nánar

Það vakti athygli á dögunum þegar Atli Guðnason einn allra besti leikmaður í sögu íslenska fótboltans ákvað að leggja skóna á hilluna.

Atli fagnar 37 ára afmæli sínu á þessu ári en hann lék sinn fyrsta leik með meistaraflokki FH árið 2004 þegar liðið varð Íslandsmeistari.

Atli varð sjö sinnum Íslandsmeistari með FH og tvisvar bikarmeistari. Í viðtali við RÚV segir Atli stærstu ástæðu þess að hann hætti núna vera þá staðreynd að Eiður Smári Guðjohnsen hafi hætt sem þjálfari FH í desember. Eiður hafði tekið við liðinu ásamt Loga Ólafssyni um mitt síðasta sumar.

Eiður og Logi náðu góðum árangi en eftir tímabilið var ákveðið að Eiður Smári tæki einn við liðinu, hann lét svo af störfum í desember þegar hann var ráðinn aðstoðarþjálfari íslenska landsliðsins.

„Ég held að þetta sé ágætis tímapunktur. 36 ára og búinn að vera í þrjú ár í hálfgerðu aukahlutverki,” segir Atli við RÚV.

„Ég var svolítið spenntur að vera með Eið Smára áfram. Ég hugsa að ég hefði haldið áfram ef hann hefði verið. En svona þegar hann steig frá borði þá fannst mér bara ágætt að segja þetta gott,” segir Atli.

Mynd: Eyþór

Hann lofsyngur Eið Smára svo og segir. „Hann er bestur Íslendinga í fótbolta í sögunni. Ef maður getur ekki lært af honum þá getur maður af engum lært,” segir Atli.

„Eiður er stærsta stjarnan og þegar það kemur svoleiðis maður inn þá stíga menn upp. Eftir að Eiður Smári og Logi koma inn er Lennon ótrúlegur. Hann hefði slegið þetta markamet ef mótið hefði verið klárað. Enginn spurning,” segir Atli.

Þegar Eiður Smári var að tala fór Atli oftar en ekki að velta því fyrir sér hvaðan þetta kæmi „Eiður sá um æfingar. Sá um að halda mönnum á tánum á æfingum. Á fundum töluðu þeir svo báðir. Logi er náttúrulega léttur, kemur með létta stemningu allstaðar þar sem hann er. Eiður kemur með hinn pólinn, sterkan karakter sem heldur mönnum á tánum. Með fáránlega visku. Maður var oft að velta fyrir sér: „Hvaðan ætli þetta komi? Ætli þetta sé Mourinho eða Guardiola?,” segir Atli við RÚV.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Engin smit í gær
433Sport
Fyrir 9 klukkutímum

Lagerback á beinni línu hjá Áslaugu Örnu í dag

Lagerback á beinni línu hjá Áslaugu Örnu í dag
433Sport
Fyrir 9 klukkutímum

Bjartsýnn á að málin fari að skýrast með Laugardalsvöll sem sé barn síns tíma og „Takmarki möguleika okkar á að komast á stórmót“

Bjartsýnn á að málin fari að skýrast með Laugardalsvöll sem sé barn síns tíma og „Takmarki möguleika okkar á að komast á stórmót“
433Sport
Í gær

Svandís fór ekki eftir öllum tillögum Þórólfs – „Það er ekkert við því að segja“

Svandís fór ekki eftir öllum tillögum Þórólfs – „Það er ekkert við því að segja“
433Sport
Í gær

Klopp biðst afsökunar en segir málið vera storm í vatnsglasi

Klopp biðst afsökunar en segir málið vera storm í vatnsglasi
433Sport
Í gær

Flugeldasýning í alla nótt til að trufla svefn fyrir átök dagsins

Flugeldasýning í alla nótt til að trufla svefn fyrir átök dagsins
433Sport
Í gær

Eftir erfiða tíma eru Rússar agndofa eftir þessar brellur Arnórs Sig

Eftir erfiða tíma eru Rússar agndofa eftir þessar brellur Arnórs Sig