Föstudagur 05.mars 2021
433Sport

Emil Pálsson til Sarpsborg 08 – Gerir þriggja ára samning

Aron Guðmundsson
Mánudaginn 18. janúar 2021 13:00

Mynd: Sarpsborg

Ekki missa af Helstu tíðindum dagsins í pósthólfið þitt

Lesa nánar

Miðjumaðurinn Emil Pálsson, hefur skrifað undir þriggja ára samning við norska úrvalsdeildarliðið Sarpsborg 08.

Emil kemur á frjálsri sölu til Sarpsborg en samningur hans við Sandefjord rann út á áramótum. Emil hafði verið í herbúðum Sandefjord síðan árið 2017 og taldi að nú væri rétti tímapunkturinn til að prófa eitthvað nýtt.

„Ég hef fundið fyrir miklum áhuga frá Sarpsborg. Ef ég held rétt á spilunum vonast ég til að verða lykilhluti af liðinu á komandi tímabili. Ég hef rætt við leikmenn sem hafa spilað hér og hef bara heyrt jákvæða hluti,“ sagði Emil eftir að hafa skrifað undir samning hjá Sarpsborg.

Emil spilaði 24 leiki af 30 á síðasta tímabili með Sandefjord sem var nýliði í deildinni.

Sarpsborg endaði í 12. sæti norsku úrvalsdeildarinnar á síðasta tímabili undir stjórn sænska knattspyrnustjórans Mikael Stahre.

 

View this post on Instagram

 

A post shared by Sarpsborg 08 (@sarp08)

Emil var eftirsóttur af liðum á Norðurlöndunum, Mið-Evrópu og á Íslandi og hefur nú ákveðið að spila áfram í efstu deild Noregs. Forráðamenn Sarpsborgar hafa fylgst lengi með honum.

„Emil er leikmaður sem við höfum fylgst vel með alveg síðan hann spilaði á Íslandi með FH. Hann er miðjumaður sem uppfyllir allar þær kröfur sem við höfum inn á vellinum,“ sagði Thomas Berntsen, íþróttastjóri Sarpsborgar.

Emil er uppalinn hjá BÍ/Bolungarvík frá Ísafirði, hann hefur einnig spilað með FH og Fjölni á sínum ferli. Hann varð Íslandsmeistari í þrígang hjá FH.

Árið 2015 var Emil kosinn besti leikmaður ársins í Pepsi-deildinni af leikmönnum deildarinnar. Emil lék þá stórt hlutverk bæði með liði Fjölnis framan af tímabili og síðan með FH þegar leið á tímabilið.

Þá á Emil að baki 1 A-landsleik og 22 landsleiki með yngri landsliðum Íslands, í þeim leikjum hefur hann skorað tvö mörk.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Milljóna COVID ráðgjöf KSÍ vakti athygli – Guðni útskýrir hækkun á kostnaði við skrifstofuna

Milljóna COVID ráðgjöf KSÍ vakti athygli – Guðni útskýrir hækkun á kostnaði við skrifstofuna
433Sport
Fyrir 9 klukkutímum

Tölfræðin um hörmungar Liverpool – Verri árangur en Moyes náði hjá United

Tölfræðin um hörmungar Liverpool – Verri árangur en Moyes náði hjá United
433Sport
Fyrir 22 klukkutímum

Viktor Karl framlengir samning sinn við Breiðablik

Viktor Karl framlengir samning sinn við Breiðablik
433Sport
Fyrir 23 klukkutímum

Gylfi átti stoðsendingu í sigri Everton – Tottenham hafði betur gegn Fulham

Gylfi átti stoðsendingu í sigri Everton – Tottenham hafði betur gegn Fulham
433Sport
Í gær

Ólétt eiginkona og De Gea spilar líklega ekki fyrr en í apríl

Ólétt eiginkona og De Gea spilar líklega ekki fyrr en í apríl
433Sport
Í gær

Jóhann Berg heill heilsu á nýjan leik – Gæti komið við sögu gegn Arsenal

Jóhann Berg heill heilsu á nýjan leik – Gæti komið við sögu gegn Arsenal
433Sport
Í gær

Persónuleg vandamál og óvíst hvenær De Gea snýr aftur

Persónuleg vandamál og óvíst hvenær De Gea snýr aftur
433Sport
Í gær

Ótrúlegar launatölur – 17 þéna yfir 17 milljónir á viku

Ótrúlegar launatölur – 17 þéna yfir 17 milljónir á viku