Albert Guðmundsson, var í byrjunarliði AZ Alkmaar og spilaði allan leikinn í 3-1 sigri liðsins gegn PSV í hollensku úrvalsdeildinni í kvöld.
AZ komst í stöðuna 2-0 eftir mörk frá Teun Koopmeiners á 31. og 39. mínútu.
Philipp Max minnkaði muninn fyrir PSV með marki á 59. mínútu.
Það var hins vegar AZ Alkmaar sem átti lokaorðið í leiknum. Calvin Stengs innsiglaði 3-1 sigur liðsins með marki á 90. mínútu.
AZ Alkmaar er eftir leikinn í 5. sæti deildarinnar með 31 stig. PSV er í 3. sæti með 34 stig.
PSV 1 – 3 AZ Alkmaar
0-1 Teun Koopmeiners (’31,víti)
0-2 Teun Koopmeiners (’39)
1-2 Philipp Max (’59)
1-3 Calvin Stengs (’90)