Englandsmeistarar Liverpool verða í efsta styrkleikaflokki þegar dregið verður í riðlakeppni Meistaradeildar Evrópu á morgun. Þrátt fyrir það gæti liðið fengið mjög svo erfiðan drátt.
Stærsta ástæða þess er að hin þrjú ensku félögin, Manchester United og City auk Chelsea eru í öðrum styrkleikaflokka. Félög frá sama landi geta ekki dregist saman.
Þannig eru bara fimm félög sem koma til greina fyrir Liverpool, Barcelona, Atletico Madrid, Shaktar, Dortmund og Ajax. Ætla má að lærisveinar Klopp kjósi að fá Shaktar eða Ajax.
Í þriðja styrkleikaflokki eru svo sterk lið en þar má helst nefna ítalska liðið Inter. Drátturinn fer fram síðdegis á morgun en þá kemur í ljós hvaða örlög bíða liðanna í komandi baráttu.