Manchester United hefur tæpa viku til að leysa vandamálin í leikmannahópi sínum, losa þá sem Ole Gunnar Solskjær hefur ekki not fyrir og fá inn nýja leikmenn.
Sagan endalausa um Jadon Sancho heldur áfram en Manchester United hefur reynt í allt sumar reynt að fá hann frá Borussia Dortmund. Verðmiðinn sem Dortmund setur á hann hefur hins vegar verið of hár að mati Ed Woodward stjórnarformanns Manchester United.
Ensk blöð segja að United sé að leggja fram 90 milljóna punda tilboð en Dortmund vill 105 milljónir punda og ekki krónu minna.
Sagt var frá því í gær að Ismaila Sarr kantmaður Watford sé næstur á lista United ef ekki tekst að fá Sancho, hann er til sölu fyrir um 45 milljónir punda.
Krísan í varnarleik liðsins er mikið til umræðu en stuðningsmenn félagsins vilja fá miðvörð en Solskjær horfir mest til þess að fá vinstri bakvörð.
United ætlar einnig að reyna að losa sig við nokkra leikmenn en Andreas Pereira er að ganga í raðir Lazio, líklega verður Chris Smalling seldur til Roma og AC Milan reynir að fá Diogo Dalot.
Þá eru bæði Marcos Rojo og Sergio Romero til sölu en hvorugur hefur vakið áhuga liða í sumar, þar spila laun þeirra stærsta hlutverkið.