Fyrsti leikurinn í fjórðu umferð enska deildarbikarsins var spilaður í kvöld. Tottenham hafði betur gegn Chelsea eftir vítaspyrnukeppni. Staðan eftir venjulegan leiktíma var 1-1 og því var farið í vítaspyrnukeppni.
Timo Werner skoraði fyrsta mark leiksins fyrir Chelsea á 19. mínútu. Chelsea var með yfirhöndina allt þar til á 83. mínútu. Érik Lamela jafnaði þá metin fyrir Tottenham og tryggði þeim vítaspyrnukeppni. Þar hafði Tottenham betur. Vítaspyrnurnar voru öruggar hjá báðum liðum þar til Mason Mount fór á punktinn fyrir Chelsea. Hann hitti ekki á markið og sigur Tottenham því staðreynd.
Fjórir leikir fara fram á morgun og þrír á fimmtudaginn í deildarbikarnum. Þá kemur í ljós hvaða lið fylgja Tottenham í átta liða úrslitin. Átta liða úrslit deildarbikarsins fara fram 22. og 23. desember.
Tottenham 6 – 5 Chelsea
0-1 Timo Watner (19′)
1-1 Érik Lamela (83′)
Vítakeppni
2-1 Eric Dier (skorar)
2-2 Tammy Abraham (skorar)
3-2 Érik Lamela (skorar)
3-3 César Azpilicueta (skorar)
4-3 Pierre-Emile Højbjerg (skorar)
4-4 Jorginho (skorar)
5-4 Lucas Moura (skorar)
5-5 Emerson Palmieri (skorar)
6-5 Harry Kane (skorar)
6-5 Mason Mount (misnotað víti)