Leiknir Fáskrúðsfirði tók á móti Leikni frá Reykjavík í Lengjudeildinni í kvöld. Liðin eru á sitthvorum enda deildarinnar. Leiknir R. er í öðru sæti í baráttu um laust sæti í efstu deild á meðan Leiknir F. berst fyrir lífi sínu í næst neðsta sæti deildarinnar.
Gestirnir voru með einstefnu að marki heimamanna. Fyrsta mark leiksins kom á 13. mínútu. Þar var að verki Sólon Breki Leifsson sem kom boltanum fram hjá markverði heimamanna. Sólon skoraði sitt annað mark í leiknum á 27. mínútu. Á 34. mínútu náðu gestirnir þriggja marka forystu með marki frá Sævari Atla Magnússyni.
Sólon skoraði sitt þriðja mark og fjórða mark Leiknis R. á 37. mínútu. Í lok fyrri hálfleiks skoraði Máni Austmann Hilmarsson fimmta mark gestanna. Heimamenn þurftu kraftaverk til að koma til baka í síðari hálfleik.
Kraftaverk var það ekki og gestirnir bættu við sínu sjötta marki á 68. mínútu. Það var Sævar Atli Magnússon sem skoraði sitt annað mark í leiknum. Birkir Björnsson kláraði leikinn fyrir Leikni R. með marki á 88. mínútu.
Stórsigur hjá Leikni R. sem eiga góða möguleika á sæti í efstu deild. Þeir sitja í öðru sæti með 39 stig, einu minna en topplið Keflavíkur. Leiknir F. er aftur á móti í næst neðsta sæti og þurfa nauðsynlega á stigum að halda til að halda sér í Lengjudeildinni.
Leiknir F. 0 – 6 Leiknir R.
0-1 Sólon Breki Leifsson (13′)
0-2 Sólon Breki Leifsson (27′)
0-3 Sævar Atli Magnússon (34′)
0-4 Sólon Breki Leifsson (37′)
0-5 Máni Austmann Hilmarsson (44′)
0-6 Sævar Atli Magnússon (68′)
0-7 Birkir Björnsson (88′)
