Sannkallaður fallbaráttuslagur fór fram í Laugardalnum þegar Þróttur Reykjavík tók á móti Magna frá Grenivík. Fyrir leikinn var Magni í neðsta sæti með níu stig og Þróttur í næst neðsta sæti með 12 stig.
Leiknum lauk með 0-1 sigri Magna. Eina mark leiksins skoraði Davíð Bjarnason á fyrstu mínútu leiksins.
Á 59. mínútu settu Þróttarar boltann í netið en dómari leiksins dæmdi brot á Þrótt. Steinþór Már Auðunsson markmaður Magna hafði handsamað knöttinn og Þróttarar keyrðu í hann. Í kjölfar dómsins æðir Gunnlaugur Birgisson leikmaður Þróttara í Freyþór Hrafn Harðarson leikmann Magna. Gunnlaugur uppskar rautt spjald fyrir verknaðinn. Þróttarar einum manni færri í 30 mínútur.
Þróttarar náðu ekki að jafna og mikilvæg þrjú stig sem Magna menn taka með sér heim.
Eftir leikinn eru þrjú lið jöfn á botninum með 12 stig. Þróttur R. er í 10. sæti, Magni í 11. sæti og Leiknir F. í 12 sæti. Þrír leikir eru eftir í deildinni. Þessi þrjú lið ásamt Víking Ó. eiga möguleika á falli.
Þróttur R. 0 – 1 Magni
0-1 Davíð Bjarnason (1′)
