Manchester City mun í dag tilkynna um kaup sín á varnarmanninum Ruben Dias frá Benfica. Dias er 23 ára gamall og mun kosta City 64 milljónir punda.
Dias verður þar með dýrasti leikmaður í sögu Manchester City og með félagaskiptunum færist hann nær kærustu sinni.
Ensk blöð greina frá því að Dias sé í sambandi með April Ivy en hún er 21 árs gömul söngkona sem slegið hefur í gegn í Portúgal.
Ivy hefur búið í London frá því í upphafi árs en nú þegar Dias kemur til Englands verður auðveldara fyrir þau að hittast. Í apríl átti hún vinsælasta lag Portúgals og hefur nú skrifað undir stóran plötusamning og vinnur að gerð plötunnar í London.
„Loksins,“ skrifaði Ivy um það þegar Dias var á leið til Englands en lagið hennar vinsæla má heyra hér að neðan.