Liverpool vann sannfærandi 3-1 sigur á Arsenal í stórleik 3. umferðar ensku úrvalsdeildarinnar í kvöld. Leikurinn fór fram á Anfield í Liverpool.
Liverpool var sterkari aðilinn í leiknum en það var Arsenal sem skoraði fyrsta mark leiksins. Alexandre Lacazette kom þeim yfir á 25. mínútu.
Leikmenn Liverpool voru hins vegar fljótir að svara fyrir sig. Sadio Mané jafnaði leikinn á 28. mínútu og Andrew Robertson kom heimamönnum yfir á 34. mínútu.
Alexandre Lacazetta fékk tækifæri til þess að jafna leikinn fyrir Arsenal í seinni hálfleik en Alisson sá við honum í marki Liverpool.
Það var Diego Jota sem innsiglaði sigur Liverpool með sínu fyrsta marki fyrir félagið á 87. mínútu.
Liverpool er eftir leikinn í 2. sæti deildarinnar með fullt hús stiga eftir þrjá leiki. Arsenal er í 5. sæti með 6 stig eftir þrjá leiki.
Liverpool 3 – 1 Arsenal
0-1 Alexandre Lacazette (’25)
1-1 Sadio Mané (’28)
2-1 Andrew Robertson (’34)
3-1 Diego Jota (’87)