Sagan endalausa um Jadon Sancho kantmann Borussia Dortmund heldur áfram en Manchester United hefur í allt sumar reynt að fá hann.
Sancho er tvítugur enskur landsliðsmaður en Dortmund vill fá 105 milljónir punda fyrir hann. United hefur ekki verið tilbúið að greiða þá upphæð.
Ensk götublöð segja að í upphafi næstu viku muni United leggja fram sitt síðasta tilboð í Sancho, United ætlar að reyna á Dortmund með því að bjóða 90 milljónir punda.
Ekki er víst að Dortmund bíti á agnið en skilaboð United verða þau að þetta verði síðasta tilboðið sem kemur á borð Dortmund.
Sancho er áhugsamur um að ganga í raðir United en félaginu sárvantar liðsstyrk fyrir komandi átök.