fbpx
Föstudagur 30.október 2020
433Sport

Meðal stærstu viðurkenninga sem Íslendingur hefur fengið

Hörður Snævar Jónsson
Föstudaginn 25. september 2020 08:30

Ekki missa af Helstu tíðindum dagsins í pósthólfið þitt

Lesa nánar

„Þetta er bara geggjað og einhver stærsta viðurkenning sem komið hefur fyrir íslenskan fótbolta,“ sagði hinn öflugi markmannsþjálfari Guðmundur Hreiðarsson, um félagaskipti RúnarsA lex Rúnarssonar til Arsenal frá Dijon í Frakklandi. Þetta stóra skref Rúnars Alex hefur vakið mikla athygli og er um að ræða eitt stærsta tækifæri sem íslenskur knattspyrnumaður hefur fengið. Rúnar er 25 ára gamall en vegferð hans er áhugaverð, hann byrjaði sem útispilari þegar hann bjó í Belgíu og þótti öflugur sem slíkur. Hann átti sér hins vegar draum um að vera markvörður og í dag stendur hann uppi sem sigurvegari.

Körfuboltinn hjálpaði
Rúnar er 25 ára gamall en hann ólst upp í Belgíu þar sem faðir hans, Rúnar Kristinsson,lék um langt skeið. Rúnar kom til Íslands og lék með KR þar sem Guðmundur var markmannsþjálfari hans. Helsti styrkleiki markvarðarins er hversu vel hann les leikinn. „Maður sá strax hvað hann hafði umfram aðra, hann hafði rosalega þrívídd. Frábæran leikskilning og í nútíma markmönnum er mikil krafa um að markvörður sé góður í fótbolta, 80 prósent af því sem markvörður gerir í dag er með fótunum. Hann hafði spilað sem útileikmaður í Belgíu og svo var hann í körfubolta, sem hjálpaði honum hvað markvörsluna varðar. Hann hafði mikinn áhuga á að verða markvörður, hann hafði ekki þann hraða sem krafist er af útileikmönnum. Ég held að hann hafi alveg valið rétt eins og margir markmenn sem voru áður útileikmenn.“

Bernd Leno hjá Arsenal var útileikmaður og var valinn úr hópi 250 einstaklinga hjá Stuttgart sem miðjumaður. Hann gerðist markvörður tveimur árum síðar þegar komu upp meiðsli. „Þarna eru tveir topp markverðir að berjast um sætið og hafa báðir bakgrunn sem útileikmenn. Þeir eru ekki líkir en samt ekki ólíkir, þeir hafa þennan leikskilning og staðsetningar sem erfitt er að þjálfa,“ sagði Guðmundur um félagaskipti Rúnars.

Rúnar Alex og Guðmundur Hreiðarsson þekkjast vel, en þeir unnu saman hjá KR og í íslenska landsliðinu. MYND/EYÞÓR

Stóra prófið er á Englandi
Guðmundur segir ekki auðvelt að benda á veikleika Rúnars en veikleikar markmanns komi oftar en ekki í ljós á Englandi. „Allt sem hann gerir virkar einfalt fyrir hann, en gæti litið út mjög flókið fyrir aðra. Hann stendur lengi og hefur úthaldið. Einn á móti einum er hann frábær. Hann les leikinn vel, þannig að ef það kemur langur bolti, þá er hann vel staðsettur. Það er erfitt að tína út einhvern veikleika, veikleikinn kemur oft í ljós hjá markvörðum þegar þeir fara í enska boltann. Þú ert mögulega að spila bikarleiki á móti neðri deildar liðum, langir boltir og stórir miðverðir að koma inn í föst leikatriði. Það hefur reynst mörgum markvörðum erfitt, David De Gea, sem hefur verið einn besti markvörður í heimi, lenti í vandræðum þegar hann kom inn í enska boltann. Það verður áskorun fyrir Rúnar Alex en hann er með rétt hugarfar og alltaf klár í að læra,“ segir Guðmundur.

Ekkert kemur Rúnari Alex úr jafnvægi
Guðmundur telur að hugarfar Rúnars verði til þess að þetta stóra skref komi honum ekki úr jafnvægi. „Rúnar er jarðbundinn sem gerir það að verkum að hann er tilbúinn í þetta verkefni. Hlutirnir geta þróast hratt í fótboltanum og hann gæti fljótt endað sem fyrsti kostur Arsenal, það getur allt gerst þó hann komi fyrst um sinn inn sem varamarkvörður. Rúnar mun læra mikið af Leno og öfugt. Kostur hans er að það truflar hann ekkert, því stærra sem verkefnið er því betri er Rúnar Alex,“ sagði Guðmundur.

Hann bendir á að Rúnar hafi ungur að árum staðið í marki KR í stórleikjum hér á landi og ekki látið það hafa áhrif á sig. Guðmundur vonar að félagsskiptin virki hvetjandi fyrir unga drengi að gerast markmenn. ,,Þetta er geðveik auglýsing fyrir íslenskan fótbolta og áskorun til stráka sem langar að æfa mark“

Rúnar Alex var framherji og skoraði mikið í Belgíu. Hann lét drauminn sinn rætast, ástríða hans var í markinu. „Ég er ekkert viss um að pabbi hans hafi verið sammála honum á þeim tíma, en þetta er staðan í dag.“

Markmannsþjálfarinn hefur mikla trú
Inaki Cana, markmannsþjálfari Arsenal, þjálfaði RúnarAlex í Danmörku og hefur síðan þá haldið góðu sambandi við hann. Cana fór til starfa hjá Brentford og reyndi að kaupa Rúnar Alex þangað. Hann er stærsta ástæða þess að þetta stórveldi vildi Íslendinginn. ,,Hann hefur verið hjá þessum markmannsþjálfara hjá Nordsjælland, þeir þekkjast vel. Rúnar Alex hefur sett margan góðan markmann fyrir aftan sig í samkeppni, efnilegasta markvörð Svía sem dæmi. Fótbolti er ekki bara það að æfa og vera alltaf til taks, þetta er stundum smá heppni. Þú getur unnið þér hana inn, í Danmörku kynnist hann markmannsþjálfara sem setur pressu á hann. Rúnar svarar öllu því sem er kastað á hann þar, þjálfarinn fer svo til Brentford og þá vill hann fá Rúnar Alex þangað. Nú er sá þjálfari hjá Arsenal og þeir halda góðu sambandi. Þessi markmannsþjálfari er forsendan fyrir því að Rúnar Alex er í þessari stöðu. Hann er ekki að fá Rúnar Alex af því að hann er svo góður gæi, þjálfarinn er að setja sitt mannorð undir og hann treystir Rúnari. Ég er sannfærður um að ef einhver getur tekið þetta skref þá er það Rúnar Alex,“ segir Guðmundur Hreiðarsson spenntur fyrir framhaldinu.

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Lést af COVID-19

Nýlegt

433Sport
Fyrir 17 klukkutímum

Albert með tvennu í stórsigri – Rúnar hélt hreinu

Albert með tvennu í stórsigri – Rúnar hélt hreinu
433Sport
Fyrir 18 klukkutímum

Jose Mourinho pirraður – „Æfing 11 á morgun“

Jose Mourinho pirraður – „Æfing 11 á morgun“
433Sport
Fyrir 22 klukkutímum

Egypti að kaupa Jóhann Berg og félaga

Egypti að kaupa Jóhann Berg og félaga
433Sport
Fyrir 23 klukkutímum

Zlatan ráðleggur fólki í baráttunni við COVID-19 – „Þú ert ekki Zlatan“

Zlatan ráðleggur fólki í baráttunni við COVID-19 – „Þú ert ekki Zlatan“
433Sport
Í gær

Arnór Guðjohnsen braut rifbein og hálsliði í hræðilegu bílslysi – „Ég hugsaði að ég yrði að kveðja fólkið mitt“

Arnór Guðjohnsen braut rifbein og hálsliði í hræðilegu bílslysi – „Ég hugsaði að ég yrði að kveðja fólkið mitt“
433Sport
Í gær

Guðni Bergsson segir stöðuna ekki góða – Mun Þórólfur hlusta á ráð frá virtum lækni?

Guðni Bergsson segir stöðuna ekki góða – Mun Þórólfur hlusta á ráð frá virtum lækni?