Einn leikur fór fram í 18. umferð Lengjudeildar karla í kvöld. Keflvíkingar unnu sterkan 1-3 útivallarsigur á móti Vestra á Ísafirði eftir að hafa lent 1-0 undir.
Ignacio Gil kom Vestramönnum yfir á 16. mínútu og það var eina markið sem var skorað í fyrri hálfleik.
Á 53. mínútu jafnaði Tristan Freyr Ingólfsson leikinn fyrir Keflavík. Tristan var síðan aftur á ferðinni er hann átti fyrirgjöf sem rataði á Joseph Arthur Gibbs sem kom boltanum í netið. Staðan orðin 1-2 fyrir Keflavík.
Það var síðan Helgi Þór Jónsson sem innsiglaði 3-1 sigur Keflavíkur með marki á 95. mínútu.
Keflvíkingar eru eftir leikinn í 1. sæti deildarinnar með 37 stig og gera sig líklega til þess að fara upp í Pepsi-Max deildina. Vestri er í 7. sæti með 26 stig.
Vestri 1-3 Keflavík
1-0 Ignacio Gil Echevarria (’16)
1-1 Tristan Freyr Ingólfsson (’53)
1-2 Joseph Arthur Gibbs (’66)
1-3 Helgi Þór Jónsson (’95)