Lionel Messi leikmaður Barcelona hefur sent hálfgert ástarbréf til Luis Suarez sem yfirgaf Barcelona í gær og gekk í raðir Atletico Madrid.
Suarez er að ganga í raðir Atletico Madrid eftir sex ára dvöl hjá Börsungum. „Þetta kom mér á óvart, ég var ekki að undirbúa það að fara,“ sagði Suarez. Barcelona þarf að lækka launakostnað sinn og Ronald Koeman nýr þjálfari Börsunga taldi sig ekki hafa not fyrir Suarez.
Messi er ekki glaður með þessa ákvörðun Börsunga. „Ég hafði hugmynd um þetta en þetta helltist yfir mig þegar ég labbaði inn í klefann í dag,“ sagði Messi.
„Það verður erfitt að njóta ekki hvers einasta dags með þér, innan sem utan vallar. Við munum sakna þín, þetta voru mörg ár, margar stundir við matarborðið. Hlutir sem við gleymum aldrei.“
„Það verður furðulegt að mæta þér í annari treyju, þú átt skilið hrós fyrir þín afrek. Þú ert einn mikilvægasti leikmaður í sögu félagsins.“
,,Þú áttir ekki skilið að láta sparka þér svona út eins og þeir gerðu, sannleikurinn er sá að ekkert kemur mér á óvart lengur. Ég elska þig mikið, ég elska þig svo mikið. Sjáumst fljótlega vinur.“