Diletta Leotta ein vinsælasta sjónvarpskona á Ítalíu hefur vakið athygli fyrir frammistöðu sína í sjónvarpi í kringum ítalska fótboltanum. Leotta er mikið á síðum blaðanna þar sem fjallað er um útlit hennar.
Í sumar fóru af stað sögur um að hún og Zlatan Ibrahimovic framherji AC Milan væru að rugla saman reitum, Zlatan hefur lengi verið giftur og á börn með eiginkonu sinni.
Leotta segir það tóma steypu að hún og Zlatan hafi átt í ástarsambandi. „Það er ekkert til að tjá sig um enda gerðist ekki neitt, þau starfa bara saman fyrir Buddyfit,“ segir talsmaður Leotta en hún neitar að ræða málið við fjölmiðla.
Leotta vekur athygli á sjónvarpsskjánum á Ítalíu en hún vill taka það fram að hún hafi ekki fengið starfið vegna útlits. Hún tekur það fram að brjóstin hennar hafi ekki haft nein áhrif á það að fá starfið.
„Í mínum huga eru það klisjur sem drepa femínisma, það er ekki hægt að tala eins og allar konur eigi að vera eins. Konur geta alveg talað um pólitík eða fótbolta með brjóstaskoru,“ sagði Leotta.
„Þetta er bara bull að brjóstin mín hafi reddað mér vinnu.“
