Jón Þór Hauksson landsliðsþjálfari kvenna segir það vera orðið stór hluta af því að undirbúa lið að ræða hegðun á samfélagsmiðlum. Þannig eru samfélagsmiðlar orðnir stór hluti af daglegu lífi fólks og þjóðþekktir einstaklingar verða að passa sig hvað þeir setja út.

Á tímum kórónuveirunnar er enn betur fylgst með hvernig þjóðþekkt fólk hagar sér eins og kom í ljós þegar Þórdís Kolbrún Reykjförð, ráðherra fór út á lífið með vinkonum sínum fyrr í sumar og tók myndir.

Umræða Jóns Þórs kom fram í hlaðvarpsþættinum Dr. Football sem hófst á því að rætt var um Arnar Már Guðjónsson leikmann ÍA. Arnar Már ét gamminn geisa á samfélagsmiðlinum Twitter eftir leik ÍA og Vals í Pepsi-Max deildinni á dögunum.

Arnar Már lét þar dómara leiksins, Guðmund Ársæl, heyra það. ,,Guðmundur Ársæll Aumingi Rassgatsson. Valur voru betri og áttu sigurinn skilið en við fengum tækifæri til að jafna. Rassgatsson hunsar þá línuvörð sem kallar víti, víti víti!“

Jón Þór hefði viljað sjá ÍA taka á þessu máli en það er á borði aganefndar KSÍ. ,,Ég hefði viljað sjá klúbbinn koma inn í þetta strax, daginn eftir. Síðast þegar ég vissi var Arnar Már leikmaður liðsins, búinn að vera frá í langan tíma en verið lykilmaður liðsins. Hann hljóp rækilega á sig þarna, hvernig sem menn töldu dómarann hafa dæmt,“ sagði Jón Þór í Dr. Football.

,,Þú ert með leikmann sem hefur þessa reynslu, þetta fluggáfaður og skemmtilegur drengur. Þetta á ekki að koma fyrir, leikmaður í efstu deild á ekki gera sig sekan um þessi mistök.“

Jón Þór sagði að í síðasta verkefni íslenska kvennalandsliðsins hafi það verið hans fyrsta verk að ræða samfélagsmiðla við leikmenn.

„Þetta er stór hluti, ég get bara sagt það úr því verkefni sem við vorum að koma úr kvennalandsliðið. Þá var þetta bara tekið fyrir á fyrsta fundi, varðandi síma, samfélagsmiðla og allt þetta kjaftæði. Við höfum séð það í sumar, ráðherrar og fleiri sem hafa tekið myndir og lent í tómu brasi. Þetta er ótrúlega klaufalegt að menn geri sig seka um svona mistök, vítin eru út um allt. Fyrsta mál á dagskrá.“

Jón Þór sagðist hafa sýnt stelpunum myndir af Mason Greenwood og Phil Foden, ensku landsliðsmönnunum sem brutu sóttvarnarreglur á Íslandi þegar þeir fengu tvær íslenskar stúlkur á hótel sitt hér á landi á dögunum.

,,Maður tekur dæmin frá 1 maí, ég birti bara mynd Mason Greenwood og Phil Foden frá því í síðustu viku. Þetta snýst ekki alltaf um traust til leikmanna, þetta snerist ekkert um að þú treystir ekki þínum leikmönnum. Þú þarft að minna á þetta, við þurfum að hjálpast af við þetta sem einn hópur. Þetta er stór þáttur hjá ungu fólki