Tveimur leikjum var að ljúka í Pepsi max deild karla. Breiðablik tók á móti Stjörnunni og Fylkir tók á móti Víking Reykjavík.
Breiðablik sigraði Stjörnuna með tveimur mörkum gegn einu. Alex Þór Hauksson kom Stjörnunni yfir á 28. mínútu með hnitmiðuðu langskoti þar sem Anton Ari í marki Blika kom engum vörnum við. Á 34. mínútu jafnaði Viktor Karl Einarsson metin fyrir Breiðablik. Á 63. mínútu fékk Breiðablik vítaspyrnu. Thomas Mikkelsen fór á punktinn og skoraði af öryggi.
Eftir leikinn er Breiðablik í þriðja sæti með 26 stig og Stjarnan í því sjötta með 24 stig.
Í Árbænum tók Fylkir á móti Víking. Leiknum lauk með 2-1 sigri Fylkis. Ásgeir Eyþórsson skoraði fyrsta mark leiksins á 27. mínútu fyrir Fylki. Kristall Máni Ingason jafnaði metin á 68. mínútu. Sigurmarkið kom á 77. mínútu þegar Orri Sveinn Stefánsson kom boltanum í netið.
Eftir leikinn eru Fylkismenn í fjórða sæti með 25 stig og Víkingur í því tíunda með 15 stig.
Breiðablik 2 – 1 Stjarnan
0-1 Alex Þór Hauksson (28′)
1-1 Viktor Karl Einarsson (34′)
2-1 Thomas Mikkelsen (63′) (Víti)
Fylkir 2 – 1 Víkingur Reykjavík
1-0 Ásgeir Eyþórsson (27′)
1-1 Kristall Máni Ingason (68′)
2-1 Orri Sveinn Stefánsson (77′)