Síðastliðinn föstudag fór fram leikur Gróttu gegn Keflavík í Lengjudeild kvenna og var hann sýndur beint hjá Grótt. Einn þeirra stuðningsmanna sem veitti tæknilega aðstoð lét ummæli falla í garð dómara leiksins sem Grótta harmar. Keflavík vann 3-2 sigur í leiknum sem fram fór síðustu helgi.
„Ertu ekki að dæma? Hvernig er þetta ekki rangstæða? Ertu moron? Ertu með dómarapróf?,“ sagði maðurinn meðal annars í beinni útsendingu þegar Keflavík skoraði. Hann krafðist þess að dæmd yrði rangstaða.
Ummælin vöktu athygli hjá þeim sem fylgdust með en orðræðu mannsins mátti heyrast vel í beinni útsendingu.
„Knattspyrnudeild Gróttu harmar ummælin og biður alla hlutaðeigandi afsökunar á atvikinu. Sérstaklega eru góðir dómarar leiksins beðnir velvirðingar á atvikinu. Háttsemi sem þessi er úr öllum takti við það sem félagið vill standa fyrir. Gildir einu við hvaða aðstæður ummælin eru látin falla eða til hverra þau ná. Þau eru í andstöðu við siðareglur Íþróttafélagsins Gróttu og stefnu knattspyrnudeildar. Þá gefa þau heldur ekki rétta mynd af stuðningsfólki Gróttu eða þeim sem koma fram fyrir hönd félagsins, sem eru almennt til fyrirmyndar innan vallar sem utan,“ segir í yfirlýsingu Gróttu.
Þar segir enn fremur. „Rétt er að fram komi að viðkomandi einstaklingur harmar atvikið sömuleiðis og hefur beðið dómara leiksins persónulega afsökunar. Forsvarsmenn Gróttu hafa jafnframt haft samband við dómarann, forsvarsmenn Keflavíkur og framkvæmdastjóra KSÍ og beðist velvirðingar.“
Keflavik skoraði vafasamt mark a moti Grottu sem reyndist svo vera löglegt. Upptökumaður GrottaTV var osammala. Þetta er eitt það fyndnasta sem eg hef heyrt i langan tima #waitforit #passion #Lengjudeildin pic.twitter.com/p8DRV2Y03P
— Orri Omarsson (@OrriSOmarsson) September 18, 2020