Jordon Ibe fyrrum vonarstjarna Liverpool hefur opnað sig um baráttu sína við þunglyndi síðustu ár eftir að hafa ekki staðið undir þeim væntingum sem til hans voru gerðar. Hann samdi í dag við Derby í næst efstu deild.
Ibe kom ungur upp hjá Liverpool og voru miklar vonir gerðar til hans. Ibe náði ekki að slá í gegn og fékk skref til Bournemouth, hann kostaði 15 milljónir punda en dvöl hans hjá Bournemouth reyndist honum erfið.
Ástæðan fyrir slakri frammistöðu Ibe virðast hafa verið vandræði hans utan vallar. „Ég missti ástríðuna fyrir leiknum sem ég elska, á sama tíma var ég að glíma við þunglyndi,“ sagði Ibe í pistli sínum á Instagram.
Ibe þakkar fjölskyldu sinni fyrir stuðninginn í gegnum dimman dal. „Fjölskylda mín hefur veitt mér mikinn styrk og ég vil þakka öllum fyrir aðstoðina.“
Dóttir Ibe hefur haldið gleðinni á lofti svo að hann sjái ljósið. „Ástæða þess að ég hef klifrað upp stigann, úr myrkri inn í ljósið er dóttir mín. Ég elska hana og þykir svo vænt um sína.“