Leikið var í enska deildarbikarnum í kvöld. Manchester United er komið áfram eftir 0-3 sigur á Luton Town. Fyrsta mark leiksins kom undir lok fyrri hálfleiks. Manchester United fékk vítaspyrnu. Juan Mata fór á punktinn og skoraði. Staðan var 0-1 þar til á 88. mínútu. Þá skoraði Marcus Rashford eftir undirbúning frá Mason Greenwood. Greenwood var svo sjálfur á ferðinni þegar hann setti boltann í markið í uppbótartíma.
Lokatölur 0-3 United í vil. Þeir mæta annað hvort Preston eða Brighton í fjórðu umferð keppninnar. Þessi lið eigast við á morgun.
Luton Town 0 – 3 Manchester United
0-1 Juan Mata (44′)
0-2 Marcus Rashford (88′)
0-3 Mason Greenwood (90+2′)