fbpx
Föstudagur 30.október 2020
433Sport

Formaður FH um framtíð Eiðs Smára og Loga: „Eitthvað sem við hljótum að vera að skoða“

Hörður Snævar Jónsson
Þriðjudaginn 22. september 2020 14:00

Ekki missa af Helstu tíðindum dagsins í pósthólfið þitt

Lesa nánar

Eins og knattspyrnuáhugafólk hefur tekið eftir hefur gengi FH í efstu deild karla verið með besta móti síðustu vikur eftir að Eiður Smári Guðjohnsen og Logi Ólafsson tóku við sem þjálfara liðsins. Þeir félagar eru aðeins með samning út þessa leiktíð.

Eiður og Logi tóku við skútunni um miðjan júlí þegar Ólafur Kristjánsson lét af störfum til að taka við Esbjerg í Danmörku.

Eiður Smári er í sínu fyrsta starfi sem aðalþjálfari og má segja að byrjun hans í starfinu sé draumi líkast. FH er komið í toppbaráttu og er átta stigum á eftir Val. Það sem gerir stöðuna áhugaverða er að FH á leik til góða auk þess sem FH og Valur eiga eftir að mætast tvisvar.

Fyrri leikur liðanna í sumar er á fimmtudag, sigur FH þar gæti setur mótið í nýtt samhengi og verður baráttan um þann stóra ansi áhugaverð.

Valdimar Svavarsson formaður knattspyrnudeildar FH kveðst ánægður með gengi liðsins þessa dagana en hefur hann og stjórn FH hafið samtalið við Eið og Loga um áframhaldandi starf átt sér stað? „Við erum með þau mál í vinnslu, við tjáum okkur ekkert meira um það. Auðvitað er þetta eitthvað sem við hljótum að vera að skoða,“ sagði Valdimar í samtali við 433.is í dag.

FH virðist á góðri leið og án þess að taka nokkuð af starfi Eiðs og Loga vill Valdimar taka fram að FH hafi staðið í breytingum síðustu ár.

„Við lítum á það þannig að heildar vegferðin er á leið í rétta átt. Við gerðum miklar breytingar á leikmannahópnum og í kringum félagið. Ólafur Kristjánsson hafði gert góða hluti í mjög mörgu. Árangurinn þessa dagana er því ekki bara hjá Eiði og Loga heldur hefur undirbúningsvinnan verið mjög góð. Í dag erum við með góða leikmenn, góða þjálfara og gott fólk í kringum alla umgjörðina.“

Meira:
Draumabyrjun Eiðs Smára í nýju starfi

Valdimar sagði að FH hefði síðustu ár lagt meira upp úr afreksstarfi sínu, þannig væri 2 flokkur karla og kvenna að berjast um sigur í A-deildum og að 3 flokkur karla væri í sömu stöðu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 18 klukkutímum

Goðsögn horfði spennt á Rúnar

Goðsögn horfði spennt á Rúnar
433Sport
Fyrir 18 klukkutímum

Albert með tvennu í stórsigri – Rúnar hélt hreinu

Albert með tvennu í stórsigri – Rúnar hélt hreinu
433Sport
Fyrir 22 klukkutímum

Sá Giggs í fyrsta skiptið og ákvað að kýla hann hressilega

Sá Giggs í fyrsta skiptið og ákvað að kýla hann hressilega
433Sport
Fyrir 23 klukkutímum

Egypti að kaupa Jóhann Berg og félaga

Egypti að kaupa Jóhann Berg og félaga
433Sport
Í gær

Leikmaður Manchester United greindur með Covid-19

Leikmaður Manchester United greindur með Covid-19
433Sport
Í gær

Meistaradeild Evrópu: Rashford með þrennu í sigri United – Barcelona vann Juventus

Meistaradeild Evrópu: Rashford með þrennu í sigri United – Barcelona vann Juventus