Björn Bergmann Sigurðarsson kom inn á á 62. mínútu fyrir lið sitt Lilleström og skoraði seinna mark liðsins á 89. mínútu í 2-0 sigri á á Kongsviner í næst efstu deild í Noregi.
Björn Bergmann vann boltann á vallarhelmingi Lilleström, hljóp með boltann að marki Kongsviner, lék á markvörð andstæðingsins og lagði boltann laglega í markið.
Þetta er fyrsta mark Björns fyrir Lilleström eftir að hann gekk til liðs við liðið á ný í ágúst síðastliðnum.
Markið má sjá í myndbandinu hér fyrir neðan en það kemur eftir að 2 mínútur og 22 sekúndur eru liðnar af því.