Á föstudaginn fór fram leikur Gróttu og Keflavíkur í Lengjudeild kvenna. Keflavík vann leikinn 2-3 en sigurmark Keflavíkur var vafasamt vegna rangstæðu. Markið reyndist þó vera löglegt samkvæmt dómaranum.

Tökumaðurinn á Seltjarnarnesinu var allt annað en sáttur með dómarann og brjálaðist. „HÚN VAR RANGSTÆÐ! HÚN VAR RANGSTÆÐ! HVAÐ ERTU AÐ PÆLA MAÐUR?“ sagði tökumaðurinn sem er að öllum líkindum Gróttumaður, enda var hann að taka upp fyrir streymi Gróttu á GróttaTV.

„ERTU EKKI AÐ DÆMA? HVAÐ ERTU AÐ HUGSA? HVERNIG VAR ÞETTA EKKI RANGSTÆÐA? ERTU MORON? HVERNIG GETURÐU EKKI SÉÐ AÐ ÞETTA SÉ RANGSTÆÐA MANNESKJA, ERTU MEÐ DÓMARAPRÓF?“ öskraði tökumaðurinn áfram.

Öskur tökumannsins vakti athygli á Twitter en Fótbolti.net greindi einnig frá. Myndband af öskrinu má sjá hér fyrir neðan:

Keflavik skoraði vafasamt mark a moti Grottu sem reyndist svo vera löglegt. Upptökumaður GrottaTV var osammala. Þetta er eitt það fyndnasta sem eg hef heyrt i langan tima #waitforit #passion #Lengjudeildin pic.twitter.com/p8DRV2Y03P

— Orri Omarsson (@OrriSOmarsson) September 18, 2020