Viðar Örn Kjartansson hefur byrjað vel með Vålerenga í Noregi, um daginn skoraði hann þrennu á 8 mínútum. Hann byrjaði inn á í dag er liðið tók á móti Molde.

Viðar Örn kom Vålerenga yfir þegar um 20 mínútur voru liðnar af leiknum. Snemma í seinni hálfleik fékk Vålerenga víti og fór Viðar á punktinn en náði ekki að skora úr vítaspyrnunni. Undir lok leiksins náði Aron Dønnum að auka forystu Vålerenga í tvö mörk. Það var sem betur fer því Henry Wingo náði að minnka muninn fyrir Molde á lokamínútunum. Fleiri mörk voru ekki skoruð og endaði leikurinn því með 2-1 sigri Viðars og félaga í Vålerenga.