Leikurinn fór fram á fimmtudaginn og vann FH leikinn, 1-0. Á lokamínútum leiksins var Rikki afar ástríðufullur í lýsingunni þegar Víkingur komst nálægt því að skora. Reyndar var atvikið sem um ræddi ekki að gerast í rauntíma, um endursýningu var að ræða. „ERLINGÖÖH…….nei þetta var reyndar endursýning,“ sagði Rikki.
Hrafnkell Helgi Helgason, fyrrverandi leikmaður Fylkis og formaður meistararflokksráðs karla í félaginu, deildi myndbandi af atvikinu. „Alvöru passion hjá Rikka hvort sem um er að ræða endursýningu eða ekki,“ sagði Hrafnkell á Twitter síðu sinni. Rikki svaraði tísti Hrafnkells og kenndi litlu magni af kolvetnum um ruglinginn. „Viðurkenni að kolvetnin eru mjög lág þessa dagana. Úfff áfram gakk,“ sagði Rikki.
Hér fyrir neðan má sjá stórskemmtilegt myndband af þessu:
"ERLINGÖÖH…….nei þetta var reyndar endursýning". Alvöru passion hjá @RikkiGje hvort sem um er að ræða endursýningu eða ekki. 😁 #pepsimaxdeildin #fh #víkingur #fotboltinet pic.twitter.com/PYFgvAsIVV
— Hrafnkell Helgi Helgason (@HHelgason7) September 18, 2020