Sergio Reguilon gekk til liðs við Tottenham frá Real Madrid á dögunum og mun því flytja frá Spáni til Englands. Kærasta kappans, Marta Diaz, er að öllum líkindum ánægð með þessa flutninga þar sem hún heldur uppi stórri YouTube-rás og London mun án efa gefa henni nóg til að fjalla um. Frá þessu greina enskir miðlar.
Marta er með tvær milljónir fylgjenda á YouTube og deilir þar oft myndböndum af sér og kærastanum. Marta greindi frá því að á meðan útgöngubann var í gangi hafi þau ekki stundað kynlíf saman í hálft ár, þau gátu ekki hist á meðan útgöngubannið var í gildi.
„Nei, ég er ekkert búin að vera með honum,“ sagði Marta í viðtali í sumar. „Ég er í útgöngubanni, það er ekkert,“ sagði hún um kynlíf þeirra í kórónuveirufaraldrinum.
Parið hefur síðan þá náð að hittast og hefur Marta deilt myndböndum af þeim saman á YouTube-rás sinni. Hún er þó ekki bara með mikið magn fylgjenda þar en hún er einnig með rúmlega tvær milljónir fylgjenda á Instagram-síðu sinni. Hún segist vera búin að græða 500 þúsund pund á samfélagsmiðlum en það eru rúmlega 88 milljónir í íslenskum krónum.