Þrátt fyrir að Grady Diangana hafi komið WBA snemma yfir í leiknum þá hafði það lítil áhrif á Everton. Dominic Calvert-Lewin jafnaði metin þegar um hálftími var liðinn af leiknum. James Rodriguez kom Everton síðan yfir skömmu fyrir hálfleik. Þá fékk Kieran Gibbs, leikmaður WBA, rautt spjald en þrátt fyrir það náði Matheus Pereira að jafna metin fyrir WBA snemma í seinni hálfleik með fallegu marki beint úr aukaspyrnu.
Það leið þó ekki langur tími þangað til Michael Keane kom Everton aftur yfir. Calvert-Lewin skoraði síðan annað mark sitt og kom Everton tveimur mörkum yfir. Calvert-Lewin var þó ekki hættur og bætti við sínu þriðja marki 66. mínútu, rétt eftir að Gylfi Þór kom inn á fyrir Abdoulaye Doucouré.
Fleiri mörk voru ekki skoruð og endaði leikurinn því með góðum 5-2 sigri Everton.