Tveir leikir fóru fram í 2. deild karla í kvöld. Njarðvík tók á móti ÍR og Haukar tóku á móti KF.
Í Njarðvík sigruðu gestirnir með þremur mörkum gegn tveimur. Marc Mcausland kom Njarðvíkingum yfir með marki úr vítaspyrnu á 37. mínútu. ÍR-ingar komust í 1-2 með mörkum frá Bergvini Fannari Helgasyni og Axel Kára Vignissyni.
Atli Freyr Ottesen Pálsson jafnaði metin á 76. mínútu. Á 90. mínútu stálu ÍR-ingar stigunum þremur með marki frá Viktori Erni Guðmundssyni.
Eftir leikinn eru ÍR-ingar komnir sex stigum frá fallsæti. Njarðvíkingar misstu hins vegar af mikilvægum stigum í baráttunni á toppi deildarinnar.
KF náðu góðum sigri á útivelli þegar þeir heimsóttu Ásvelli. Haukar komust yfir í lok fyrri hálfleiks. KF jafnaði metin með marki á 53. mínútu. Á 66. mínútu skoruðu KF sigurmarkið og tryggðu sér stigin þrjú.
Njarðvík 2 – 3 ÍR
1-0 Marc Mcausland (37′) (Víti)
1-1 Bergvin Fannar Helgason (51′)
1-2 Axel Kári Vignisson (53′)
2-2 Atli Freyr Ottesen Pálsson (76′)
2-3 Viktor Örn Guðmundsson (90′)
Haukar 1 – 2 KF
Markaskorara vantar
