Einn leikur var á dagskrá í þriðju deild karla í dag. Reynir Sandgerði tók á móti Tindastól. Áhorfendur fengu markaveislu fyrir peninginn. Leiknum lauk með 5-5 jafntefli.
Í hálfleik var staðan jöfn 2-2 eftir mörk frá þeim Sewa Bockarie Marah og Konráð Frey Sigurðssyni hjá Tindastól og þeim Elton Renato Livramento Barros og Magnúsi Sverri Þorsteinssyni hjá Reyni Sandgerði.
Í síðari hálfleik komst Reynir tveimur mörkum yfir með mörkum frá þeim Elton Renato Livramento Barros og Guðmundi Gísla Gunnarssyni. Þá var komið að Tindastól. Þeir Luke Morgan Conrad Rae og Arnar Ólafsson skoruðu næstu tvö mörk leiksins fyrir Tindastól. Allt stefndi í 4-4 jafntefli.
Á 89. mínútu skoraði Arnór Guðjónsson mark og virtist vera að stela sigrinum fyrir Tindastól. Á 90. mínútu jafnaði Reynir með marki frá Herði Sveinssyni. Tíu marka jafntefli niðurstaðan í Sandgerði.
Reynir S. 5 – 5 Tindastóll
0-1 Sewa Bockarie Marah (12′)
0-2 Konráð Freyr Sigurðsson (16′)
1-2 Elton Renato Livramento Barros (24′)
2-2 Magnús Sverrir Þorsteinsson (39′)
3-2 Elton Renato Livramento Barros (49′)
4-2 Guðmundur Gísli Gunnarsson (54′)
4-3 Luke Morgan Conrad Rae (61′)
4-4 Arnar Ólafsson (68′)
4-5 Arnór Guðjónsson (89′)
5-5 Hörður Sveinsson (90′)
