Thiago Alcantara er kominn til Liverpool en félagið staðfesti þetta á Twitter síðu sinni. Thiago gengur til liðs við liðið eftir að hafa verið undanfarin 7 ár hjá þýska stórveldinu Bayern Munchen. Í myndbandi sem Liverpool deildi má sjá að Thiago mun klæðast treyju númer 6 hjá Liverpool.
Liverpool eyddi 20 milljónum punda í þennan 29 ára gamla leikmann en félagið gæti þó þurft að greiða 5 milljónir aukalega seinna sem bónus. Thiago var hæst ánægður með skiptin og sagðist vera búinn að bíða lengi eftir þeim.
„Augnablikið sem þið eruð öll búin að bíða eftir,“ segir í tilkynningu Liverpool á kaupunum á Twitter.
The moment you’ve all been waiting for…#ThiagoFriday 🤩 pic.twitter.com/s2tOCvnHta
— Liverpool FC (@LFC) September 18, 2020
