Banfield í Argentínu kom að tómum kofanum þegar liðið ætlaði að sækja aura sína vegna félagaskipta James Rodriguez til Everton.
James var hjá Banfield áður en hann fór til Porto árið 2010 og félagið taldi sig vera að fá góða millifærslu vegna félagaskipta hans til Everton.
Þegar félagið hafði samband við Real Madrid kom það hins vegar í ljós að Everton borgaði ekki krónu fyrir James. Banfield greinir frá þessu í yfirlýsingu.
Talað var um að Everton hefði borgað 20 milljónir punda fyrir James en nú kemur í ljós að hann kostaði ekki krónu. Real Madrid vildi aðeins losna við hann af launaskrá.
Real Madrid er að losa sig við leikmenn sem Zinedine Zidane vill ekki hafa en Gareth Bale er að fara til Tottenham.