Mikel Arteta stjóri Arsenal hefur staðfest við enska blaðamenn að Rúnar Alex Rúnarsson sé á barmi þess að skrifa undir hjá félaginu.

Félagaskipti Rúanrs hafa legið í loftinu síðustu vikuna en hann hefur nú lokið læknisskoðun og er mættur til Englands.

Arteta útilokaði ekki við enska blaðamenn að Arsenal myndi versla inn annan markvörð en Emiliano Martinez var seldur til Arsenal í vikunni.

On Zoom call with Arteta. Confirms Runarrson deal is close. Adds they could add another goalkeeper.
Says he feared Auba would leave at one point – "To be fair at the start when I joined, I wasn’t as positive as I was in the last few weeks."
Wouldn't be drawn on Partey, Aouar.

— James Olley (@JamesOlley) September 18, 2020

Rúnar mun skrifa undir fimm ára samning við Arsenal, með fjögur örugg og möguleikann á því fimmta. En ef marka fréttir dagsins frá Englandi verður Rúnar ekki eini markvörðurinn sem Arsenal kaupir í sumar.

Rúnar verður fimmti leikmaðurinn sem Arsenal fær í sumar en félagið hefur fengið Pablo Mari, Cedric Soares, Gabriel Magalhaes og Willian.

Goal heldur því fram að Arsenal ætli einnig að kaupa David Raya frá Brentford en líkt og Rúnar hefur hann unnið með Inaki Cana markmannsþjálfara Arsenal.

Goal segir að Raya sé ætlað að keppa við Bernd Leno um stöðuna í markinu og að Rúnar verði þeim til aðstoðar.