Hjövar Hafliðason sérfræðingur Dr. Football fullyrðir að Ajax í Hollandi hafi borgað 130 milljónir fyrir Kristian Nökkva Hlynsson undir lok síðasta árs.
Hollenska félagið keypti Kristian frá Breiðablik og hefur því kista full af gulli komið í Kópavoginn undir lok síðasta árs.
,,Hann kostaði 800 þúsund evrur, sem eru 130 milljónir. Ég hef þetta úr nokkur góðri heimild,“ sagði Hjörvar í Dr. Football í dag.
Kristian, sem er fæddur árið 2004, er sóknarsinnaður leikmaður sem nýtur sín best fremstur á miðju. Kristian hafði staðið sig afar vel bæði með Blikum sem og yngri landsliðum Íslands. Hann er í dag í U19 ára liði Ajax.
Hrafnkell Freyr Ágútsson Bliki og sérfræðingur þáttarins sagði að Kristian hafi fengið hluta af þessari greiðslu í sinn vasa. ,,Leikmaðurinn og fjölskyldan hafa fengið ágætis summu. Dortmund voru mjög áhugasamir, FC Bayern líka. Þessir peningar fyrir þessi stærstu lið þá er þetta hálfgert klink.“