Tveir leikir fóru fram í Pepsi-Max deild karla í kvöld.
Á Akranesi tóku heimamenn í ÍA á móti efsta liði deildarinnar, Val. Valsmenn fara með 3 stig aftur til Reykjavíkur efir 2-4 sigur. Þetta var áttundi sigur Valsmanna í röð í Pepsi-Max deild karla.
Patrik Pedersen kom Valsmönnum yfir á 6. mínútu eftir vandræðagang í öftustu línu ÍA. Sigurður Egill Lárusson bætti síðan öðru marki við fyrir Valsmenn á 23. mínútu. Patrick Pedersen skoraði sitt annað mark og kom Valsmönnum þremur mörkum yfir á 31. mínútu.
Heimamenn neituðu að gefast upp. Brynjar Snær Pálsson minnkaði muninn fyrir þá á 74 mínútu. Gísli Laxdal Unnarsson bætti síðan við öðru marki fyrir ÍA á 80. mínútu. Valsmenn svöruðu þessu áhlaupi ÍA , Kaj Leo skoraði fjórða mark þeirra á 92. mínútu. Fleiri mörk voru ekki skoruð. Valur er í 1. sæti deildarinnar með 34 stig en ÍA í 10. sæti með 14 stig.
Í Kaplakrika tók FH á móti Víkingi R. Hjörtur Logi Valgarðsson kom heimamönnum yfir á 43. mínútu með laglegu marki eftir fyrirgjöf frá Herði Inga. Fleiri mörk voru ekki skoruð og með þessum sigri lyfti FH sér í 2. sæti deildarinnar. Víkingur R. er í 8 sæti með 14 stig.
ÍA 2 – 4 Valur
0-1 Patrick Pedersen (‘6)
0-2 Sigurður Egill Lárusson (’23)
0-3 Patrick Pederson (’31)
1-3 Brynjar Snær Pálsson (’43)
2-3 Gísli Laxdal Unnarsson (’80)
2-4 Kaj Leo í Bartalsstovu (’92)
FH 1 – 0 Víkingur R.
1-0 Hjörtur Logi Valgarðsson (’43)
