Aron Jóhannsson spilaði allan leikinn þegar lið hans Hammarby frá Svíþjóð laut í lægra haldi gegn pólska liðinu Lech Poznan í Evrópudeildinni. Pedro Tiba skoraði fyrsta mark leiksins á 55. mínútu. Á 63. mínútu fékk Jeppe Andersen leikmaður Hammarby sitt annað gula spjald í leiknum og þar með rautt. Hammarby spiluðu því manni færri það sem eftir lifði leiks.
Lech Poznan náði ekki að nýta sér að vera manni fleiri fyrr en undir lok leiks. Á 89. mínútu skoraði Jakub Kamiński annað mark liðsins. Í uppbótartíma kórónaði Filip Marchwinski þriggja marka sigur Lech Poznan.
Hammarby 0 – 3 Lech Poznan
0-1 Pedro Tiba (55′)
0-2 Jakub Kamiński (89′)
0-3 Filip Marchwinski (90+3′)
