Fjallað er um það í fjölmiðlum í Svíþjóð að stórlið Juventus skoði nú vonarstjörnu Íslands, Ísak Bergmann Jóhannessonar. Frammistaða hans hefur vakið mikla athygli.
Ísak Bergmann er aðeins 17 ára gamall en hefur verið frábær hjá Norrköping í sænsku úrvalsdeildinni í ár.
Ísak Bergmann var í byrjunarliði Norrköping sem sótti Kalmar heim í sænsku úrvalsdeildinni í gær. Ísak kom Norrköping yfir með skallamarki á 28.mínútu. Leikar enduðu með 0-2 sigri Norrköping sem eru eftir leikinn í 4.sæti deildarinnar með 32 stig. Hægt er að sjá mark Ísaks hér að neðan.
Magiskt förarbete av Levi när Ísak Bergmann Jóhannesson ger Norrköping ledningen pic.twitter.com/cYq7FR0Fez
— Dplay Sport 🇸🇪 (@Dplay_Sport) September 14, 2020
Sænskir miðlar segja að Juventus hafi fylgst með íslenska miðjumanninum síðustu vikur og talað er um hann sem efnilegasta leikmanninn í sænska fótboltanum í dag.
Fjöldi liða horfir til Ísaks sem var í ÍA áður en hann hélt út en faðir hans Jóhannes Karl Guðjónsson átti farsælan feril í atvinnumennsku.