Gary Lineker sjónvarpsmaður á BBC hefur skrifað undir nýjan fimm ára samning til að stýra Match of the Day. Um er að ræða vinsælasta íþróttaþátt í sjónvarpi.
Lineker hefur stýrt þættinum um langt skeið en hann lækkar laun sín um 400 þúsund pund á ári í nýjum samningi. BBC er að hækka laun kvenna og lækka laun karla þessa dagana.
Lineker tekur á sig 70 milljóna króna högg en mun áfram þéna vel eða 227 milljónir íslenskra króna á ári hverju.
Lineker átti farsælan feril sem knattspyrnumaður en hann lék meðal annars með Barcelona og gerði vel fyrir enska landsliðið.
Fleiri lækkuðu laun sín hjá BBC en Alan Shearer sem er sérfræðingur í þættinum fær nú 70 milljónir á ári og lækkar um tæpar 9 milljónir króna.
