Brighton tók á mót Chelsea í fyrstu umferð ensku úrvalsdeildarinnar í kvöld.
Jorginho kom Chelsea yfir á 23. mínútu með marki úr vítaspyrnu eftir að brotið hafði verið á Timo Werner. Ekki voru fleiri mörk skoruð í fyrri hálfleik.
Brighton menn náðu að jafna leikinn á 54. mínútu þegar að Leandro Trossard skoraði með skoti fyrir utan teig.
Aðeins tveimur mínútum síðar kom Recce James, Chelsea aftur yfir með frábæru marki fyrir utan teig. Matt Ryan, markvörður Brighton kom engum vörnum við. James var síðan aftur á ferðinni á 66. mínútu þegar að hann átti hornspyrnu sem rataði á Kurt Zouma sem skoraði þriðja mark Chelsea.
Fleiri mörk voru ekki skoruð. Chelsea byrjar því tímabilið á góðum útivallarsigri. Chelsea mætir Liverpool á heimavelli á sunnudaginn. Næsti leikur Brighton í deildinni er á útivelli á móti Newcastle United.
Brighton 1 – 3 Chelsea
0-1 Jorginho (’23)
1-1 L. Trossard (’54)
1-2 Reece James (’56)
1-3 Kurt Zouma (’66)
Upplýsingar um úrslit og markaskorara eru fengnar af urslit.net