Landsliðsmarkmaðurinn Rúnar Alex Rúnarsson, sem er á mála hjá liðinu Dijon í efstu deild Frakklands, er að öllum líkindum að semja við stórliðið Arsenal í ensku úrvalsdeildinni.
Samvkæmt heimildum 433.is er málið langt komið og má búast við því að Rúnar Alex Rúnarsson skrifi undir hjá Arsenal á næstu dögum. Hjörvar Hafliðason, Dr. Football hefur sömu sögu að segja.
„Best að henda í exclusive á leikmenn. En núna í kvöld fékk ég þær fréttir að Rúnar Alex sé genginn til liðs við Arsenal. Hann á hins vegar eftir að klára læknisskoðun. Kaupverðið er samkvæmt mínum manni 5-10% af því sem Aston Villa borgar fyrir Emi Martinez,“ skrifaði Hjörvar á Facebook síðu sína í gær.
Árið 2014 fór Rúnar til danska liðsins Nordsjælland frá KR en þá var hann aðeins 18 ára gamall. Árið 2018 fór Rúnar frá danska liðinu og yfir til Frakklands í Dijon.
Ástæða þess að Arsenal er að eltast við Rúnar er að hann hefur verið þjálfaður af markmannsþjálfaranum Inaki Cana í Danmörku en Cana er í dag markmannsþjálfari Arsenal. „Lítur út fyrir að Cana þekki hann mjög vel og að hann hafi mælt með honum við þjálfara Arsenal, Mikel Arteta,“
Ljóst er að þetta væru ein af stærri félagaskiptum sem Íslendingur hefur fengið en Arsenal seldi Emiliano Martinez til Arsenal í gær og verður Rúnar Alex því annar kostur í mark Arsenal á eftir Bernd Leno. Ensk blöð segja að Arsenal muni borga Dijon um 250 milljónir íslenskra króna.
