Arnar Grétarsson mun ekki þjálfa KA á næstu leiktíð. Frá þessu greindi Guðmundur Benediktsson á Stöð2 Sport nú í kvöld.

Arnar tók við KA í sumar þegar KA rak Óla Stefán Flóventsson úr starfi en KA vann sigur á Fylki í efstu deild karla í gær.

Guðmundur sagði að Arnar hefði tilkynnt forráðamönnum KA að hann ætlaði ekki að halda starfinu áfram.

Arnar þjálfaði Breiðablik áður hér á landi en hann var í starfi í Belgíu á síðasta ári. Hann náði góðum árangri með Breiðablik þegar hann tók við liðinu árið 2015 en var vikið úr starfi á sínu þriðja tímabili í Kópavoginum.

KA situr í tíunda sæti efstu deildar með 14 stig, átta stigum frá fallsætinu.