Thiago Silva, Hakim Ziyech og Ben Chilwell verða allir fjarverandi þegar Chelsea leikur sinn fyrsta leik í ensku úrvalsdeildinni á mánudag.
Allir komu til félagsins í sumar en Chelsea mætir Brighton í fyrstu umferð á mánudag. Chelsea keypti Ziyech og Chilwell í sumar.
Ziyech var keyptur til félagsins frá Ajax og meiddist á undirbúningstímabilinu en Chilwell kom meiddur frá Leicester. Þá er Thiago Silva ekki byrjaður að æfa með Chelsea.
„Ziyech fékk högg í æfingaleik og vonandi eru þetta bara tvær vikur, við sjáum hvað gerist. Chilwell er að koma sér í form en getur keki spilað gegn Brighton,“ sagði Frank Lampard í dag.
„Thiago Silva er í London en er ekki byrjaður að æfa, hann byrjar um helgina og ég get ekki notað hann gegn Brighton.“
Timo Werner og Kai Havertz gætu þreytt frumraun sína gegn Brighton en báðir komu úr þýsku úrvalsdeildinni.