Knattspyrnudeild Breiðabliks hefur samþykkt tilboð franska liðsins Le Havre AC í Berglindi Björgu Þorvaldsdóttur.
Berglind fer í læknisskoðun hjá franska liðinu á fimmtudag og mun í kjölfarið skrifa undir samning við félagið.
Berglind lék með AC Milan fyrri hluta árs en kom aftur til Breiðabliks í maí og hefur átt góðu gengi að fagna.
Ljóst er að þetta er mikið högg fyrir Breiðablik sem er að berjast um sigur í efstu deild kvenna.
