Atletico Madrid á að keppa í 8-liða úrslitum við RB Leipzig í Portúgal næsta fimmtudag. Í tilkynningu frá félaginu sem gefin var út í dag segir að félagið sé búið að hafa samband við heilbrigðisyfirvöld á Spáni og í Portúgal, spænska og portúgalska knattspyrnusambandið og UEFA til að láta vita af málinu. Þá segir félagið einnig að það mun fara í einu og öllu eftir leiðbeiningum frá UEFA varðandi smit í liðum.
Atletico hefur ekki gefið út hvaða leikmenn eru smitaðir en þeir leikmenn eru nú í einangrun og munu ekki fara með liðinu til Portúgal. Liðið á að fljúga á mánudaginn ef allt gengur upp.