Þjófarnir stálu skartgripum og öðrum eigum knattspyrnumannsins sem eru milljóna virði í íslenskum krónum. Bournemouth hefur nú ákveðið að auka öryggi leikmanna í kjölfar þjófnaðarins svo aðrir leikmenn lendi ekki í því sama.
Billing var staddur í fríi þegar brotist var inn í húsið hans. Þetta innbrot vekur eflaust upp óhug hjá öðrum knattspyrnumönnum en gríðarlega margir þeirra eru staddir á sólarströndum þessa dagana til að nýta fríið sitt sem best.
Knattspyrnumenn hafa einnig verið duglegir við það að nota samfélagsmiðlana sína í fríinu sínu en Billing gerði það líka. Það að nota samfélagsmiðla til að sýna að maður sé í fríi getur nefnilega hjálpað þjófum að vita hvort það sé auðvelt að brjótast inn.