Viðar Örn steig sín fyrstu skref í knattspyrnunni hjá Selfossi en þá var Einar að þjálfa liðið. Viðar segir að Einar sé maðurinn sem fékk hann upp í Meistaraflokk. „Maðurinn sem gerði mig að manni,“ segir Viðar um Einar. „Kenndi mér svo margt. Frábær persóna og frábær þjálfari. Sakna þess að taka spjallið við þig um lífið og tilveruna. Sjáumst seinna Coach“
„Knattspyrnudeild Ungmennafélags Selfoss kveður í dag einn af sínum sterkustu félagsmönnum. Einar Jónsson var leikmaður Selfoss um langt árabil, fyrirliði, þjálfari, stjórnarmaður og leiðtogi innan vallar sem utan,“ segir í færslunni sem knattspyrnudeild Selfoss setti á Facebook í gær.
„Einar vann mjög óeigingjarnt starf fyrir Selfoss. Hans verður sárt saknað og við munum minnast hans um ókomna tíð fyrir störf hans, bæði sem leikmanns og félagsmanns. Við kveðjum þennan öfluga liðsmann okkar með auðmýkt og djúpu þakklæti. Samfélagið okkar á Selfossi hefur misst mikið en mestur er þó missir fjölskyldunnar. Við sendum börnum hans, öllum ættingjum og vinum, okkar einlægustu samúðarkveðjur. Megi þau öðlast styrk til að takast á við sorg sína. Blessuð sé minning okkar góða félaga, Einars. Jónssonar.“