DailyMail greinir frá málinu en fjölmiðillinn segir að það virðist sjást í leikmanninn í myndbandinu og að það sé tekið upp í kynlífspartýi. Penaranda deildi myndbandinu af sér í kynlífspartýinu á Instagram-síðunni sinni. Hann notaði svokallaða „close friends“ stillingu sem leyfir honum að ráða hverjir sjá myndbandið. Það hefur þó ekki gengið upp eins og hann vonaði þar sem einhver deildi myndbandinu áfram.
Watford hefur gefið út tilkynningu vegna málsins og segir í henni að félagið sé búið að hefja rannsókn á samfélagsmiðlum Penaranda eftir að fregnirnar komu í ljós. „Við erum að rannsaka málið en munum ekki tjá okkur meira um það að svo stöddu,“ sagði í tilkynningunni.
Penaranda, sem er 23 ára gamall, kom til Watford árið 2016 en áður hafði hann verið samningsbundinn ítalska liðinu Udinese. Kaupverðið var í kringum 9 og hálfa milljón punda en leikmaðurinn hefur síðustu fjögur tímabil verið á láni hjá hinum ýmsu liðum. Nú er Peneranda aftur kominn til Watford en hann hefur einungis komið við sögu í þremur leikjum félagsins.
