Manchester City vann fyrri leikinn, 1-2, og þurfti Real Madrid virkilega á sigri að halda til að komast áfram. Snemma í leiknum skoraði Raheem Sterling mark fyrir Manchester City eftir að varnarmaður Real Madrid, Raphael Varane, gerði mitök í vörninni. Þetta voru dýr mistök fyrir Real Madrid liðið sem þurfti heldur betur að spýta í lófana.
Á 28. mínútu náði Karim Benzema að jafna metin fyrir Real Madrid og virtist sem möguleiki væri fyrir spænska liðið að komast áfram. Gabriel Jesus gerði Real Madrid enn erfiðara fyrir þegar hann kom Manchester City aftur yfir á 68. mínútu en markið hans reyndist vera sigurmark leiksins. Real Madrid er því úr leik í Meistaradeildinni en Manchester City er komið í 8-liða úrslit.
Manchester City 2 – 1 Real Madrid
1-0 Raheem Sterling
1-1 Karim Benzema
2-1 Gabriel Jesus
Lyon vann fyrri leikinn 1-0 á heimavelli og þurfti Juventus því virkilega að passa að Lyon myndi ekki skora, því þá þyrfti Juventus að vinna með tveimur mörkum. Það var því þungur róður framundan fyrir Juventus menn þegar Memphis Depay kom Lyon yfir úr víti snemma í leiknum.
Cristiano Ronaldo náði að jafna metin með marki úr vítaspyrnu rétt áður en fyrri hálfleikur var blásinn af. Um miðjan seinni háflleik náði Ronaldo að skora sitt annað mark og kom hann Juventus yfir. Fleiri urðu mörkin þó ekki en Lyon fer áfram í 8-liða úrslit þar sem liðið var með fleiri mörk á útivelli. Ronaldo og félagar hans eru því úr leik í Meistaradeildinni.
Juventus 2 – 1 Lyon
0-1 Memphis Depay (víti)
1-1 Cristiano Ronaldo (víti)
2-1 Cristiano Ronaldo