fbpx
Laugardagur 26.september 2020
433Sport

Fyrrum leikmaður Breiðabliks kominn í samband með milljarðamæringi – Fetar í fótspor umdeilds Bretaprins og stórstjarna

Máni Snær Þorláksson
Miðvikudaginn 5. ágúst 2020 14:51

Mynd af Carrallo: Blikar.is - Myndir af Stanbury: Instagram

Ekki missa af Helstu tíðindum dagsins í pósthólfið þitt

Lesa nánar

Knattspyrnumaðurinn Sergio Carrallo, sem lék með Breiðablik á Íslandi, er kominn á fast með milljarðamæringnum Caroline Stanbury. Stanbury hefur farið um víðan völl þegar kemur að mökum en hún hefur meðal annars slegið sér upp með kvikmyndastjörnum, kóngafólki og knattspyrnustjörnu.

Þau Sergio og Stanbyrt hafa verið afar dugleg við að deila myndum af hvoru öðru á Instagram-síðum sínum undanfarið. Af myndunum sem þau deila á samfélagsmiðlinum að dæma eru þau búin að vera að ferðast mikið á síðustu dögum. Þau virðast þessa stundina vera stödd í London á Englandi en áður hafa þau deilt myndum af sér í Saint-Tropez á Frakklandi og í Las Vegas í Bandaríkjunum.

View this post on Instagram

Barbie and ken do #london 😛

A post shared by carolinestanbury (@carolinestanbury) on

Stanbury er afar efnuð en hún er metin á 30 milljónir bandaríkjadala, það eru um 4 milljarðar í íslenskum krónum. Hún er hvað þekktust fyrir að vera stjarnan í raunveruleikaþættinum Ladies of London sem sýndur var í Bandaríkjunum. Hún skildi nýverið við fjárfestinn Cem Habib sem er einnig metinn á tugi milljóna bandaríkjadala.

Stanbury segir að hún og Habib hafi skilið í góðu og að hún vonist til þess að þau verði afar góðir vinir áfram. „Ég veit að þetta hljómar klisjukennt en við vorum bara að stefna í sitt hvora áttina. Við höfðum ekki gaman að sömu hlutum og við fórum ekki einu sinni í frí saman lengur,“ sagði Stanbury um skilnaðinn í samtali við Bravo. Stanbury og Habib eiga þrjú börn saman, dótturina Yasmine og tvíburana, Aaron og Zac.

View this post on Instagram

Family always 🥰

A post shared by carolinestanbury (@carolinestanbury) on

Bretaprins, knattspyrnugoðsögn og kvikmyndastjörnur

Eins og áður segir hefur Stanbury verið að rugla reitum með nokkrum stórstjörnum í gegnum tíðina. Stanbury var til að mynda að hitta knattspyrnugoðsögnina Ryan Giggs, sem spilaði með Manchester United. Þegar Giggs og Stanbury voru að hittast var Giggs á sama tíma í sambandi með Stacey Cooke, sem átti eftir að verða eiginkona Giggs, og síðar fyrrum eiginkona hans.

Þegar Stanbury vann við markaðssetningu kynntist hún kvikmyndastjörnunni Hugh Grant, sem leikið hefur í myndum á borð við About a Boy, Notting Hill og Love Actually. Stanbury og Grant áttu í leynilegu ástarsambandi í smá tíma. Grant er þó ekki eina kvikmyndastjarnan sem Stanbury er sögð hafa verið með en Sylvester Stallone, sem er hvað þekktastur fyrir Rocky myndirnar, er einnig nefndur sem fyrrverandi maki Stanbury í grein The Sun um hana.

Þá var Stanbury einnig í sambandi með Bretaprinsinum Andrew skömmu eftir skilnað prinsins. Stanbury og Bretaprinsinn fóru saman í veislu til Bill Clinton, fyrrum Bandaríkjaforseta og konu hanss, Hillary Clinton. Andrew hefur vakið mikla athygli undanfarið eftir að upp kom um skjöl sem tengdu hann við níðinginn Jeffrey Epstein. Andrew Bretaprins tjáði sig í löngu viðtali við BBC í fyrra um kynni sín af Epstein og ásakanir um að hann hafi haft mök við ungar stúlkur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Í gær

Ástarkveðja frá reiðum Messi til Suraez – „Ég elska þig svo mikið“

Ástarkveðja frá reiðum Messi til Suraez – „Ég elska þig svo mikið“
433Sport
Í gær

United að leggja fram sitt síðasta tilboð í Sancho

United að leggja fram sitt síðasta tilboð í Sancho
433Sport
Í gær

Botnlaus eyðsla – 153 milljarðar á nokkrum árum

Botnlaus eyðsla – 153 milljarðar á nokkrum árum
433Sport
Í gær

Óttast að Kári Árnason missi af landsleiknum mikilvæga

Óttast að Kári Árnason missi af landsleiknum mikilvæga
433Sport
Í gær

50 þúsund króna sekt fyrir að segja að Guðmundur væri „Aumingi Rassgatsson“

50 þúsund króna sekt fyrir að segja að Guðmundur væri „Aumingi Rassgatsson“
433Sport
Í gær

Rúnar Alex þurfti að segja pabba sínum tvisvar frá Arsenal

Rúnar Alex þurfti að segja pabba sínum tvisvar frá Arsenal
433Sport
Í gær

Jón Þór notaði myndir af Íslandsvinunum til að vara stelpurnar við

Jón Þór notaði myndir af Íslandsvinunum til að vara stelpurnar við
433Sport
Í gær

Samir óttaðist um öryggi sitt í Breiðholti á sunnudag – Þungar refsingar fyrir ofsalega framkomu

Samir óttaðist um öryggi sitt í Breiðholti á sunnudag – Þungar refsingar fyrir ofsalega framkomu