Þessar fregnir koma fólki eflaust á óvart þar sem Liverpool byrjaði nýlega í samstarfi með Nike sem mun líklega borga Liverpool tugi milljóna punda á ári. Samningur Klopp við Adidas er talinn vera á þá leið að hann muni klæðast skóm frá fyrirtækinu sem er stærsti samkeppnisaðili Nike.
Áður klæddist Klopp yfirleitt New Balance skóm en Liverpool spilaði og æfði í fötum frá New Balance. Samningur milli þjálfara og íþróttavöruframleiðanda er óvenjulegur en þó ekki nýr af nálinni. Þjálfari Tottenham, José Mourinho, skrifaði einnig undir samning við Adidas en Tottenham spilar, líkt og Liverpool mun gera á næstu leiktíð, í búnaði frá Nike.